رواية زوجتي وساحرتي الفصل الثاني 2 بقلم زهرة الربيع
#زوجتي_و_ساحرتي_2
محدش هيطلع الا لو دخلت عليها هنا قدامنا يا ناجي يلا خلصنا
ناجي اتصدم بالي بتقولو جدتو وقال ..انا مش فاهم يعني حضرتك عايزه ايه..ازاي عيزاني اعمل كده قدامك انتي وسحر
قالت بغضب..اهي سحر دي بذات لازم تحضر علشان تعرف ان مفيش حاجه غريبه ..وتبطل الهبل بتاعها يللا ..ادخل على مرتك يا ناجي
ناجي اتنهد بغضب وبص لوداد وكانت مبسوطه وقلعت عبايتها وبقت بق،ميص تحتها
ناجي اتسعت عنيه بزهول وقال بغضب..انا مستحيل اعمل كده قدامكم وده اخر كلام
سحر كانت هتتتجنن من الغيره والغضب وجدتهم ابتسمت وقالت..انت تؤمر يا حبيب جدتك..اذا المشكله في وقفتنا فاحنا هنطلع انا وسحر وهنستناكم بره الباب وعايزه اخبار تفرحني
ومسكت سحر من معصم ايدها وقالت يلا يا سحر
وبقت تجرها معاها وسحر كانت بتبصلو برجاء ودموع وهتقع من طولها
ناجي اتنهد وقال..استني يا ستي
جدتو وقفت وهو قرب منها وقال..ممكن اقولك كلمه على جمب...لو سمحتي
جدتو وسحر استغربو وهو اخد جدتو معاه ووقفو على جمب
سحر كانت هتموت وتعرف بيقولو ايه واتقدمت عليها وداد وقالت بشماته...الليله جوزك هيبقى بين اديا...انا وعدتك قبل سابق يا سحر..زي ما وعدتك اني مش هخليكي تتهني..ولا هخليه يلمسك وانا عند وعدي
سحر بصت لها بغضب وقالت باستفزاز ...المهم هو عايز مين يا وداد...لازم تعرفي انك لو قدتي صوابعك العشره شمع هيبقى حابب الشمعه الوحيده الي في اديا القلب وما يريد يا دودو
وداد بصت لها بغضب رهيب وغيظ وقالت...انا هندمك على كل حرف قولتيه ومن الليله ...ومش بعيد كمان تسع شهور وتشيلي ولدنا
سحر اتنرفزت منها بس كان كل همها ناجي وايه بيقول لجدتو
ناجي بقى كان واقف قدام جدتو بحرج وهيه قالت بغضب..الموضوع ده من ميتى
ناجي قال بارتباك..من قبل ما اتجوز بايام..وانا بتعالج اهوه..المشكله انو مرض جلدي ومعدي تمام..يعني علشان كده مقربتش لسحر ولا حتى وداد..لوسمحتي بقى تديني وقتي
جدته بصتلو بعدم تصديق وقالت..ولما الامر كده مقولتش ليه قبل ما اجوزك على بت عمك واجبلها ضره
ناجي قال بارتباك..انا..اه..اه انا اتكسفت بقى يا جدتي ده الي حصل هكدب ليه يعني
اتنهدت بيأس منو وهيه مش مصدقاه وقالت..طب والعلاج باقيلو قد ايه
ناجي ابتسم بسعاده وقال بسرعه...اسبوع او اتنين بالكتير والله با جدتي وان شاء الله خير ادعيلي بالشفا
اتنهدت ومشيت بغضب وقالت بزعيق...تعالي يا وداد ...البسي وحصليني
وداد اتغاظت ومكانتش عايزه سحر تشمتها قالت بسرعه..بس انتي وعدتيني و
قالت بغضب...قولت حصليني يلا
وداد مشيت وراها بنرفزه وهو قفل الباب بسرعه وسند ضهره عليه وهو بينفخ بارتياح ولسه هيتحرك سحر جريت عليه وحضنتو بقوه لدرجة انو اتحرك خطوه لورا ..وبقت تحضنو بكل قوتها
ناجي ابتسم بسعاده وبادلها حضنها بقوه واشتياق وهو بيستنشق من عبير شعرها الي بيعشقه
سحر قالت وهيه في حضنه...بحبك بعشق كل حاجه فيك ريحتني ربنا يريح قلبك
ناجي ابتسم وبص لعيونها وهيه بين اديه وقال...بجد عايزه تريحيني
سحر سكتت بارتباك وهزت راسها بتوتر وناجي ضحك قال...وشك جاب الوان قبل ما اتكلم حتى يا سحر..اه لو افهم خايفه من ايه
قالت بارتباك..انا..انا
حط صباعو على شفايفها وابتسم وقال...انتي قمري..وهوايا وكل نبض في قلبي ياسحر..ومرر صباعو على سفايفها وقال..انا بطلب قربك مش علشان جدتي..انا الي محتاجلك..ومشتاق قوي لقربك وقرب من شفايفها وهيه غمضت عيونها باستسلام
ناجي ابتسم بسعاده وقلع جلابيتو وقربها منو وبقى يبو،،سها وهوو بيمشي بيها ناحية السرير
سحر كانت بتبادلو مشاعره الي سيطرت عليها ونستها الدنيا كلها وهو بيعاملها بحنيه متترفضش
بس بعد ثواني دفعتو بسرعه ورجعت لاخر السرير وهيه بتبصلو بحرج شديد
ناجي اتنهد بيأس وقال..تاني يا سحر...مفيش فايده...ووقف وقال بغضب..الظاهر ان ستي معاها حق...انا بتعب نفسي على الفاضي
بقلم...زهرة الربيع
سحر نزلت دموعها وقالت..ناجي ارجوك انا
قاطعها وقال..انتي ايه..انتي ايه يا سحر..احنا متجوزين بقالنا اكتر من ٣ شهور مش عارف اقربلك ابدا..وهنا مش بيسكتو على الموضوع ده زي عندنا في القاهره..عايز افهم حتى سبب لرفضك مش لاقي ..بقالي اسبوعين متجوز وداد مش راضي اقربلها علشانك ..علشان انا عايزك انتي وعلشان مأجرحش مشاعرك..لما جدتي اصرت اتجوزها افتكرت انك مش هتوافقي وهتحاولي علشان ميدخلش بنا تالت..بس برضو معملتيش حاجه وسبتيني اتجوز..ودلوقتي اضطرتيني اقول اني مريض..وليه كل ده لييييه
سحر كانت بتبكي وبس اتنهد بخنقه وقال...سحر لو سمحتي متعيطيش....سحر انتي كنتي بتكدبي عليا لما قولتيلي انك بتحبيني..انتي ندمتي على جوازنا
سحر هزت راسها بالرفص بدموع
ناجي اتنهد بحزن ويأس وقال..زي العاده مش هتتكلمي مش كده
سحر هزت راسها بالايجاب فابتسم بسخريه وهو بيلبس جلابيتو
سحر قالت بدموع هتروح فين دلوقتي
ناجي بصلها بغضب وقال...رايح في داهيه..مفيش داعي تسألي ويكون في علمك..هديكي الاسبوع ده وبس. وبعد كده ..انا هروح لوداد..حرام اظلمها اكتر من كده..ولازم تعرفي اني عمري ما هقرب لها واطلقها ..يعني يوم ما ارقب لها هتبقى فعلا مراتي وهتشاركك فيا يا سحر..وده اخر كلام عندي
قال كده واتحرك ناحية الباب
ولسه هيمشي مسكت ايده وقالت دموع ناجي لو سمحت ارجوك متعملش كده مش هستحمل
ناجي اتنهد بضيق شديد ونفض ايدها وطلع بغضب شديد
سحر قعدت على السرير وبقت تبكي بشده ...بس جالها تليفون اول ما شافت اسم المتصل غمضت عينيها بغضب رهيب ..وردت بضيق وقالت.. نعم
المتصل رد بسخريه وقال ايه يا سوسو صحيتك من النوم ولا ايه
سحر قالت بغضب شديد ...عايز ايه يا سالم
رد بسخريه وقال عايز سلامتك يا قلب سالم... اختي من شويه رنتلي وقالت لي حاجه غريبه كده..قال جوزك بعافيه شويه قلت اطمن بس
سحر قالت بغضب..اظن دي حاجه ما تخصكش واختك لو متربيه متقولهاش ولا تطلع سر بيتها وجوزها
سالم ضحك جامد وقال.. جوزها هو فين جوزها ده الواحده بتبقى اتجوزت لما تتجوز راجل
سحر قالت بغضب... اخرس انت اكتر واحد عارف انه احسن وارجل منك الف مره
سالم قال بغضب لمي لسانك يا سحر انت اللي هتخسري مش عايز انبه عليكي ..انتي عارفه كويس انا ممكن اعمل ايه...فخليكي حلوه كده و انا هطلقك منه بطريقتي لانو اكيد مش هيستحملك كثير ولازم هيطلقك
سحر قالت بغضب ودموع ...انت فاكر اني لو اتطلقت منه ممكن اتجوزك يا و،،سخ
ناجي ضحك جامد وقال ..اللي خلاكي ثلاث شهور لحد دلوقتي بتسمعي كلامي بالحرف ومخليه جوزك ما يقربلكيش يخليكي تتجوزيني بسهوله
سحر قالت بعصبيه...ده بعيد عن عينيك يا و،،سخ يا ز،،باله ورمت التليفون من ايدها وقعدت تبكي بحزن وهي مش عارف تعمل ايه
عند ناجي كان قاعد على الكنبه بغضب شديد من سحر ومن اللي بتعمله كل مره عشان تتهرب منه كان متعصب وبيغلي من جواه
نزلت وداد وهي لابسه عبايه بيتي ضيقه جدا قربت منه وهي بتتمشي بدلال وقالت ..سي ناجي تحب اعمل لك حاجه تاكلها
ناجي بص لها بضيق شديد وقال.. ايه اللي انتي نازله بيه ده مش واخده بالك ان في رجاله بتدخل وتطلع في البيت
وداد قربت عليه بابتسامه وقالت..يعني انت غيران عليا يا سي ناجي
ناحي نفخ بغضب وقال في سره.. استغفر الله العظيم يا رب.. وداد انتي على ذمتي ودي ما اسمهاش غيره لو ما عملتش كده ابقى اريال...اتفضلي بقى غيري المسخره اللي انتي لابساها دي وما تنزليش بحاجه ضيقه تاني
وداد قعدت جنبه وقربت عليه وقالت بدلال... شوفي يا ناجي انا مش هقول لك انا مرتك وليه حق عليك ومن الكلام ده لان دي حاجات انت عارفها كويس بس انا هقول لك حاجه هتساعدك انت قبل ما تساعدني انا وبقيت تلعب بزراير القميص بتاعه وقالت ..قربك مني هينولك المراد اسالني انا لو الحلوه اللي انت هتموت عليها شافتك بتروح من بين ايديها لوحده ثانيه وحست بنار الغيره هترجع لك زاحفه زحف
بقلم...زهرة الربيع
ناجي ابتسم بسخريه وقال.. وبالنسبه لك ما عندكيش مشكله انك تبقي مجرد وسيله بس علشان اخلي مراتي تغير ...انا لو عليا عادي بس اعتقد ان المفروض انتي اللي ما توافقيش
وداد حست بغضب من كلامه بس قالت ..اهم حاجه انك تكون جنبي مش يمكن لما تبقي جنبي مره في الثانيه تحبني زيها
ناجي وقف بغضب وبعد شويه وحط ايديه في جيوبه ولسه هيرد شاف سحر نازله من على السلم قرب من وداد اللي كانت واقفه وراه وحاوط وسطها بايده وقال بهمس عند ودنها انا موافق
سحر شافتهم واتصدمت بشده كان حاضنها وبيوشوشها..ما كانتش مصدقه المنظر اللي شايفاه قربت عليهم وقالت بغضب وزهول... انت بتعمل ايه وووووو
اللي جاي خطيييير جدا ياترى سحر خايفه من سالم ليه وهتعمل ايه مع وداد بعد الي شافتو
